KRONIKËSTAR CHANNEL
Aksident në aksin Fier–Roskovec në fshatin Kuman, makinë përplaset me motor – drejtuesi në gjendje të rëndë niset drejt spitalit
Një aksident ka ndodhur pak minuta më parë në aksin Fier–Roskovec, në fshatin Kuman. Një mjet tip “Citroen”, me drejtues shtetasin Alfred Satëri, është përplasur me një motomjet me drejtues shtetasin Mirjan Gergali.
Si pasojë e përplasjes së fortë, drejtuesi i motomjetit ka marrë lëndime në trup dhe është transportuar me urgjencë drejt Spitalit Rajonal të Fierit në gjendje të rëndë shëndetësore.
Ndërkohë, shërbimet e policisë dhe grupi hetimor kanë mbërritur në vendngjarje për të përcaktuar shkaqet e aksidentit, si dhe për të disiplinuar trafikun në zonë.
Reklama në FieriWeb - “PIZZA ITALIA FIER”
