FIERI NEWSSTAR CHANNEL
Fieri shpallet “Qyteti i Teatrit”, merr çmimin e parë në rang kombëtar
Fier është vlerësuar me Çmimin e Parë në shkallë vendi për numrin më të madh të shfaqjeve teatrore të realizuara gjatë periudhës 2024–2026, duke konfirmuar rolin e qytetit si një nga qendrat më aktive të jetës artistike dhe kulturore në Shqipëri.
Vlerësimi u akordua gjatë mbrëmjes gala të çmimeve AWARD TEA, ku qyteti u vlerësua për aktivitetin e tij të dendur artistik dhe kontributin në zhvillimin e kulturës skenike.
Reklama në FieriWeb - “PIZZA ITALIA FIER”
Sipas vlerësimit, Teatri Bylis është kthyer në një nga qendrat më të rëndësishme të jetës teatrore në vend, duke sjellë një numër të lartë shfaqjesh dhe duke mbajtur gjallë interesin e publikut për artin dhe kulturën. Ky çmim konsiderohet si një tjetër vlerësim për traditën dhe zhvillimin e jetës kulturore në Fier.
