Hapet Aquaparku i parë në Fier, një destinacion i ri argëtimi për familjet gjatë verës
Fieri tashmë ka një hapësirë të re argëtimi për ditët e nxehta të verës. Është hapur Aquaparku “Flatrat e Dijes”, i cili synon të sjellë një eksperiencë të re freskie dhe argëtimi për fëmijë, të rinj dhe familje.
Aquaparku ofron pishina të përshtatshme për të gjitha moshat, rrëshqitëse ujore për adhuruesit e aventurës, si edhe ambiente shërbimi me bar dhe fast food.
Ky projekt vjen si një alternativë e re për banorët e Fierit dhe vizitorët që kërkojnë të kalojnë momente relaksi dhe argëtimi pa u larguar nga qyteti.
📍 Aquaparku “Flatrat e Dijes” ndodhet pranë shkollës 9-vjeçare “Flatrat e Dijes” në Fier. (albania.worldplaces.me)
Dyert janë të hapura çdo ditë për të gjithë ata që duan të shijojnë një verë më të freskët, me më shumë argëtim dhe momente të paharrueshme pranë familjes dhe miqve.
