FIER/ Aksident rrugor pranë Cezmës së Mbyetit, dy automjete përplasen – dy pasagjerë dërgohen në spital
Një aksident rrugor është regjistruar ditën e sotme, 11 gusht 2026, në afërsi të Cezmës së Mbyetit.
Menjëherë pas marrjes së njoftimit, jemi afruar në vendngjarje, ku është konstatuar përfshirja e dy automjeteve në aksident. Bëhet fjalë për një automjet tip Benz, me drejtues shtetasin E. Xh., dhe një automjet tip Audi, me drejtues shtetasin S. B.
Në automjetin tip Audi ndodheshin edhe dy pasagjerë, të cilët si pasojë e aksidentit janë transportuar për ndihmë mjekësore në spital. Sipas të dhënave paraprake, dy pasagjerët ndodhen jashtë rrezikut për jetën.
Ndërkohë, të dy drejtuesve të automjeteve u është kryer testi i alkoolit, me rezultatin 0.0 mg/l për të dy.
Aktualisht priten përgjigjet nga spitali lidhur me gjendjen shëndetësore të pasagjerëve, ndërsa autoritetet vijojnë veprimet për zbardhjen e plotë të rrethanave dhe përcaktimin e shkaqeve të aksidentit.
