KRONIKËSTAR CHANNEL
Ndahet nga jeta Agim Bubeqi, ish-futbollisti i Flamurtarit
Ish-futbollisti i Flamurtarit në periudhën e artë të klubit, Agim Bubeqi, është gjetur pa jetë në apartamentin e tij në Vlorë.
Dyshohet se ai kishte ndërruar jetë prej disa ditësh. Kanë qenë fqinjët ata që kanë konstatuar mungesën e tij dhe kanë njoftuar Policinë.
Ngjarja ka tronditur komunitetin sportiv vlonjat, ndërsa pritet të zbardhen rrethanat e plota të ndarjes së tij nga jeta.
