Aksident në aksin Fier–Vajkan, 2 të plagosur te Ura e Mbrostarit
Një aksident rrugor është regjistruar pasditen e sotme, 15 gusht, në aksin rrugor Fier–Vajkan, në vendin e quajtur Ura e Mbrostarit.
Menjëherë pas marrjes së informacionit, shkuam në vendngjarje, ku konstatuam përplasjen mes një automjeti tip Fiat, me drejtues shtetasin L. Xh., dhe një automjeti tip Volkswagen.
Drejtuesit të automjetit Fiat iu krye testi i alkoolit, i cili rezultoi 0.00 mg/l.
Si pasojë e aksidentit, janë plagosur 2 persona, drejtuesi i automjetit Volkswagen, shtetasi E. T., dhe djali i tij i mitur. Të dy janë transportuar me ambulancë drejt Spitalit Rajonal Fier për të marrë ndihmë mjekësore.
Nga informacionet e para të siguruara, të dy janë jashtë rrezikut për jetën.
Policia ndodhet në vendngjarje dhe po punon për zbardhjen e plotë të rrethanave dhe shkaqeve të aksidentit.
