KRONIKËSTAR CHANNEL
Aksident tragjik në Vorë, humb jetën gazetari 26-vjeçar
Një aksident tragjik ka ndodhur mëngjesin e sotëm në afërsi të Vorës, ku ka humbur jetën Xhesjon Zogu 26-vjeçar, me profesion gazetar.
Sipas të dhënave paraprake, aksidenti dyshohet se ka ndodhur si pasojë e një parakalimi të gabuar, që ka sjellë përplasjen kokë më kokë të dy automjeteve.
Përplasja ka qenë e fortë dhe fatale për 26-vjeçarin, i cili nuk ka mundur t’u mbijetojë plagëve të marra.
Ndërkohë, drejtuesi i automjetit tjetër është transportuar në spital dhe raportohet se ndodhet në gjendje të rëndë shëndetësore.
Policia ka mbërritur në vendngjarje dhe ka nisur hetimet për të zbardhur rrethanat dhe shkaqet e plota të aksidentit.
Reklama në FieriWeb - “PIZZA ITALIA FIER”
