POLITIKËSTAR CHANNEL
Evis Sala jep dorëheqjen nga posti i ministres së Shëndetësisë, nisin lëvizjet në qeveri
Kanë nisur lëvizjet në qeverinë e Edi Ramës. Ministrja e Shëndetësisë dhe Mirëqenies Sociale, Evis Sala, ka paraqitur dorëheqjen nga detyra, rreth një vit pasi mori drejtimin e këtij dikasteri.
Mësohet se Sala e ka komunikuar vendimin gjatë mbledhjes së qeverisë, ku ka bërë të ditur se do të largohet nga posti për t’iu rikthyer projekteve të saj akademike.
Dorëheqja e ministres vjen në një moment kur në qeveri priten ndryshime dhe lëvizje të tjera. Ende nuk dihet nëse largimi i Evis Salës do të jetë i vetmi ndryshim në kabinetin qeveritar apo nëse do të pasohet nga zëvendësime të tjera.
Pritet që në vijim të bëhet i ditur edhe emri i personit që do të marrë drejtimin e Ministrisë së Shëndetësisë dhe Mirëqenies Sociale.
Reklama në FieriWeb - “PIZZA ITALIA FIER”
