AKSIDENT NË LUSHNJE/ PËRPLASEN TRE AUTOMJETE, DËME TË SHUMTA MATERIALE
Një aksident rrugor është shënuar pak minuta më parë në qytetin e Lushnjes, në rrugën që të çon drejt stadiumit.
Ngjarja ka ndodhur pranë bizneseve të zonës mbi kanal, ku tre automjete janë përfshirë në një përplasje.
Sipas të dhënave paraprake, aksidenti dyshohet se ka ndodhur gjatë një tentative parakalimi, ku automjetet nuk i kanë hapur krahun njëri-tjetrit, duke u përplasur dhe përfunduar të karamboluara.
Përplasja ka shkaktuar dëme të konsiderueshme materiale në të tre automjetet, ndërsa fatmirësisht nga aksidenti nuk raportohet për persona të lënduar.
Në vendngjarje ka mbërritur Policia, e cila ka nisur veprimet për të dokumentuar aksidentin dhe për të përcaktuar rrethanat e plota të përplasjes.
Grupi i policisë po kryen verifikimet në vendin e ngjarjes, ndërsa pritet që pas përfundimit të veprimeve të përcaktohet edhe përgjegjësia për aksidentin.
