KRONIKËSTAR CHANNEL
Aksident në Jonufër të Vlorës, përplasen dy automjete, plagosen dy persona
Një aksident automobilistik është regjistruar mbrëmjen e sotme në zonën e Jonufrës, në Vlorë, ku dy automjete janë përplasur me njëri-tjetrin.
Sipas të dhënave paraprake, një automjet tip “Volkswagen Golf”, që udhëtonte nga Orikumi në drejtim të Vlorës, është përplasur me një automjet tip “Benz”, i cili po lëvizte në kahun e kundërt, nga Vlora drejt Orikumit.
Si pasojë e përplasjes kanë mbetur të lënduar shoferi dhe pasagjerja e njërit prej automjeteve.
Dy të lënduarit janë transportuar në spital për të marrë ndihmën e nevojshme mjekësore.
