KRONIKË
PATOS/ DYSHOHET SE I VENDOSËN LËNDË PLASËSE NË PORTËN E BANESËS SË MATEOS PASHAJT, 33-VJEÇARI NDODHET ME “ARREST NË SHTËPI”

Një ngjarje e dyshuar me lëndë plasëse është regjistruar në orët e para të mëngjesit në qytetin e Patosit.
Rreth orës 05:05 të mëngjesit të sotëm, 16 nëntor, shtetasi Mateos Pashaj, 33 vjeç, banues në Patos, ka njoftuar Policinë pasi ka konstatuar dëmtime në portën rrethuese të banesës së tij.
Sipas informacionit paraprak të Policisë, dyshohet se porta është dëmtuar si pasojë e shpërthimit të një lënde plasëse.
Një detaj tjetër që bëhet i ditur është se 33-vjeçari rezulton me masë sigurie “Arrest në shtëpi”.
Grupi hetimor, nën drejtimin e Prokurorisë, po vijon veprimet hetimore për të zbardhur rrethanat e ngjarjes, identifikuar autorët e mundshëm dhe dokumentuar ligjërisht rastin.




