KRONIKËSTAR CHANNEL

KUSH ËSHTË MATEOS PASHAJ? U DËNUA PËR VRASJE NË MOSHËN 17-VJEÇARE, AKTUALISHT ME “ARREST NË SHTËPI” PËR GODITJEN E NJË GARDIANI

Një shpërthim ka ndodhur rreth orës 05:00 të mëngjesit të sotëm në banesën e Mateos Pashajt, 37 vjeç, në qytetin e Patosit.

Nga shpërthimi është dëmtuar njëra prej kolonave të portës kryesore të banesës, si dhe një garazh në oborr. Fatmirësisht, nuk raportohet për persona të lënduar.

Reklama në FieriWeb - “VODAFONE ALBANIA”

Ka qenë vetë Pashaj ai që ka njoftuar policinë, e cila ka mbërritur në vendngjarje dhe ka nisur hetimet për zbardhjen e rrethanave, si dhe identifikimin e autorëve.

I njohur për drejtësinë

Reklama në FieriWeb - "ARGJENDARI ILIA"

Mateos Pashaj është një emër i njohur për drejtësinë shqiptare. Në vitin 2010, kur ishte vetëm 17 vjeç, ai u dënua për vrasjen e bashkëmoshatarit Daniel Rrapushi, ngjarje e rëndë që tronditi qytetin e Patosit.

Sipas të dhënave të asaj kohe, konflikti mes adoleshentëve dyshohet se kishte nisur për shkak të adresave në rrjetin social Facebook. Gjatë përplasjes në qendër të qytetit, Daniel Rrapushi u qëllua me thikë në zemër, ndërsa shoku i tij, Rauf Bregu, mbeti i plagosur.

Reklama në FieriWeb - “PIZZA ITALIA FIER”

Për ngjarjen u arrestuan katër adoleshentë, mes tyre edhe Mateos Pashaj. Duke qenë se ishte i mitur në kohën e kryerjes së veprës penale, ai kreu pesë vite burg.

Ndërkohë, në vitin 2024, Pashaj u përfshi në një tjetër incident, ku akuzohet se ka goditur një punonjës të sigurisë së burgut. Për këtë çështje, ndaj tij u caktua masa e sigurisë «arrest në shtëpi», nën akuzën e goditjes për shkak të detyrës.

Reklama në FieriWeb “WIZZ AIR”

Policia po vijon hetimet për të përcaktuar nëse shpërthimi në banesën e tij ka qenë i qëllimshëm dhe për të zbuluar personat që qëndrojnë pas ngjarjes.

Reklama në FieriWeb - "COVIM CAFFE"

Related Articles

Leave a Reply

Your email address will not be published. Required fields are marked *

Back to top button