DROGA BRENDA QELISË SË BURGUT TË FIERIT, KANABISI I GJENDET TË DËNUARIT PËR TRAFIK NARKOTIKËSH

Një sasi lënde narkotike e dyshuar si kanabis është zbuluar në ambientet e burgut të Fierit, gjatë një kontrolli të ushtruar nga forcat e policisë së institucionit penitenciar.
Gjatë kontrolleve në disa sektorë të burgut, efektivët kanë konstatuar një qese të ambalazhuar me lëndë të dyshuar narkotike në qelinë e një të dënuari.
Sipas të dhënave, bëhet fjalë për shtetasin me inicialet L.K., nga Vlora, i dënuar me 10 vite e 6 muaj burg për trafikim të lëndëve narkotike. Atij i kanë mbetur edhe 6 vite e 4 muaj për të vuajtur nga dënimi.
Lënda e dyshuar narkotike është sekuestruar nga autoritetet, ndërsa pritet të kryhen verifikimet për të zbardhur rrethanat dhe mënyrën se si ajo ka përfunduar në qelinë e të dënuarit.
Pritet që rasti të ndiqet nga organet kompetente për të përcaktuar përgjegjësitë përkatëse.




