KRONIKË

Prostitucioni në Fier, gjykata liron dy shtetaset kineze, por u ndalon daljen jashtë Shqipërisë

Gjykata e Fierit ka caktuar masa sigurimi më të lehta për dy shtetaset kineze të arrestuara në kuadër të operacionit policor “ESKOR-GIRIS-5”, të dyshuara për prostitucion dhe mbajtje të lokaleve për prostitucion.

Sipas vendimit të dhënë më 7 nëntor 2026 nga gjyqtarja Elira Hroni, gjykata ka vlerësuar të ligjshëm arrestimin në flagrancë të të dyshuarave, të kryer më 5 nëntor 2026, në orën 10:45.

Reklama në FieriWeb - “VODAFONE ALBANIA”

Megjithatë, për të dyja shtetaset është caktuar masa e sigurimit personal “Ndalimi i daljes jashtë shtetit” dhe “Detyrimi për t’u paraqitur në policinë gjyqësore”.

Gjykata ka urdhëruar lirimin e menjëhershëm të tyre, nëse nuk ekziston ndonjë masë tjetër sigurimi me karakter shtrëngues apo vendim penal dënimi me burgim të formës së prerë.

Reklama në FieriWeb - "ARGJENDARI ILIA"

Në zbatim të vendimit, dy shtetaset duhet të paraqiten të hënën e parë të çdo muaji, në orën 09:00, pranë oficerit të Policisë Gjyqësore në Prokurorinë e Fierit.

Gjithashtu, gjykata ka urdhëruar sekuestrimin e pasaportave ose të dokumenteve të tjera të identifikimit që u mundësojnë daljen jashtë shtetit.

Reklama në FieriWeb - “PIZZA ITALIA FIER”

Dy shtetaset kineze u arrestuan pasi dyshohet se kishin marrë me qira një lokal në Fier, të cilin e përdornin për ushtrimin e prostitucionit dhe shfrytëzimin e prostitucionit.

Vendimi i gjykatës mund të ankimohet në Gjykatën e Apelit të Juridiksionit të Përgjithshëm brenda 5 ditëve nga dita e nesërme e njoftimit.

Reklama në FieriWeb “WIZZ AIR”

Reklama në FieriWeb - "COVIM CAFFE"

Related Articles

Leave a Reply

Your email address will not be published. Required fields are marked *

Back to top button