
Një automjet tip “Volkswagen” është gjetur mëngjesin e sotëm brenda një kanali në fshatin Kallm të Fierit.
Kanë qenë banorët e zonës ata që kanë konstatuar automjetin dhe kanë njoftuar menjëherë shërbimet përkatëse.
Dyshohet se mjeti ka dalë nga rruga gjatë orëve të natës ose në orët e para të mëngjesit, duke përfunduar në kanal.
Në vendngjarje kanë mbërritur forcat zjarrfikëse, shërbimet e Policisë dhe ambulanca. Nga verifikimet paraprake, në automjet nuk është konstatuar asnjë person.
Dyshimet paraprake janë se drejtuesi i mjetit mund të jetë larguar nga vendngjarja pas aksidentit. Ndërkohë, pritet që Policia të kryejë verifikimet për të zbardhur rrethanat e ngjarjes dhe për të identifikuar personin që drejtonte automjetin.




