Eden Hazard, është një nga emrat më të përfolur kohët e fundit.I lodhur nga zëvendësimet e vazhdueshme të Carlo Ancelottit, ish-futbollisti i Chelsea, siç konfirmohet nga “Mundo Deportivo”, synon t’i japë fund përvojës me “Los Blancos”, ku në dy sezone e gjysmë ka qenë shumë larg parashikimeve.
Zhgënjimi prej tij ka qenë deri në atë pike, sa vlera e tregut e kartonit të tij ka rënë pikiatë me kalimin e sezoneve, për të arritur në 18 milionë euro.
Kjo është një shifër që na kthen në vitin 2011, kur Hazard, tani 31 vjeç, luante te Lille, në Ligue 1, dhe ishte një lojtar i ri premtues i futbollit evropian. Kujtojmë se Florentino Perez e bleu atë për 100 milionë euro nga Blutë e Londrës.
