LAJM I FUNDIT/ Ngjarje rende ne Fier, burri qellon me pistolet gruan 28 vjeçe (VIDEO)
Robert Kotsi është vënë në pranga pasi plagosi me armë zjarri bashkëshorten, Nertila Furrxhiun dhe më pas u largua nga vendngjarja.
49-vjeçari ka kryer plagosjen, pas një konflikti, sakaq ngjarja ka ndodhur në banesën e tyre në lagjen “Sheq i Madh”, në Fier.
28-vjeçarja ndodhet në spital.
Njoftimi i Policisë:
Fier
Plagosi me armë zjarri bashkëshorten dhe u largua nga vendngjarja, falë reagimit në kohë të Policisë, kapet dhe vihet në pranga autori.
Pas njoftimit të marrë se në lagjen “Sheq i Madh” ka ndodhur një plagosje me armë zjarri, shërbimet e Policisë kanë shkuar menjëherë në vendngjarje dhe nga veprimet e para hetimore, rezultoi se shtetasi R. K., 49 vjeç, pas një konflikti me bashkëshorten e tij, shtetasen N. F., 28 vjeçe, e ka plagosur atë me armë zjarri pistoletë dhe është larguar.
Shërbimet e Policisë janë vënë në ndjekje të autorit, kanë rrethuar zonën dhe falë veprimeve të shpejta operacionale, pas disa minutash, bënë të mundur kapjen dhe arrestimin në flagrancë të tij.
U sekuestrua në cilësinë e provës materiale arma me të cilën shtetasi R. K. plagosi bashkëshorten e tij.
Shtetasja N. F. ndodhet në spital, në kujdesin e mjekëve.
Grupi hetimor ndodhet në vendngjarje dhe në bashkëpunim me Prokurorinë vijon punën për sqarimin e plotë të rrethanave të ngjarjes.
