Sekuestrohen 432 shezlongë dhe 216 çadra në Ksamil, proçedohen dy persona
Në plazhet e Ksamilit janë sekuestrouar nga policia 432 shezlongë dhe 216 çadra pasi ishin vënë në mënyrë të kundërligjshme, pa autorizimin pëkatës.
Janë proçeduar në gjendje të lirë dy administratorë, të cilët nuk deklaronin të ardhurat që kishin nga ky aktivitet. Në plazhin e quajtur “Pema e thatë”, në Ksamil u sekuestruan 328 shezlongë dhe 164 çadra dhe u proçedua në gjendje të lirë shtetasi K.I., 39 vjeç banues në Sarandë.
Ndërsa në plazhin e quajtur “Laguna” u sekuestruan 104 shezlongë dhe 52 çadra dhe u proçedua në gjendje të lirë shtetasi A.L., 49 vjeç banues në Berat.
Njoftimi i Policisë:
Ksamil, Sarandë
Vijon operacioni policor i koduar “Plazh i lirë”, me qëllim lirimin e hapësirave në plazhe, që janë zënë në kundërshtim me ligjin.
Kjo fazë e operacionit u shtri në plazhet e Ksamilit, dhe rezultoi me sekuestrimin e 432 shezlongëve dhe 216 çadrave që ishin vënë pa autorizim.
Procedohen penalisht 2 administratorë që kishin vënë shezlongët dhe çadrat, në mënyrë të kundërligjshme, dhe nuk deklaronin të ardhurat që gjeneronin nga ky aktivitet.
-Në plazhin e quajtur “Pema e thatë”, Ksamil, u sekuestruan 328 shezlongë dhe 164 çadra që ishin vënë pa autorizim. Për këtë rast, u referuan materialet në Prokurori ku nisi procedimi në gjendje të lirë për shtetasin K. I., 39 vjeç, banues në Sarandë.
-Në plazhin e quajtur “Laguna”, Ksamil, u sekuestruan 104 shezlongë dhe 52 çadra që ishin vënë pa autorizim. Për këtë rast, u referuan materialet në Prokurori ku nisi procedimi në gjendje të lirë për shtetasin A. L., 49 vjeç, banues në Berat.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme, për veprat penale “Pushtimi i tokës” dhe “Fshehja e të ardhurave”.
Kontrollet dhe verifikimet në kuadër të operacionit “Plazh i lirë”, vijojnë.
