LAJM I FUNDIT/ Aksident i rëndë në aksin Fier – Levan, Furgoni “Check-Up” përmbyset në rrugë, raportohet për disa të lënduar (VIDEO)

Një aksident i rëndë ka ndodhur para pak minutash në afërsi të “Qafës së Koshovicës” në Fier, ku janë përplasur dy automjete.

Një automjet tip “Benz” është përplasur me një furgon të “Check-Up” (SIJE), dhe si pasojë e përplasjes së fortë janë plagosur dy drejtuesit e mjeteve, të cilët janë dërguar me urgjencë drejt spitalit rajonal të Fierit. 

Në vendngjarje ndodhet policia dhe grupi hetimor të cilët po zbardhin dinamiken e këtij aksidenti të rëndë, jo vetëm me të plagosur, por edhe me dëme të shumta materiale. 

Furgoni Si-JE pas daljes nga rruga ka përfunduar në kanalin anësor teksa është kthyer përmbys. Ndërkohë në këtë aks është krijuar edhe një radhë e gjatë automjetesh prej disa kilometrash.

NJOFTIM I POLICISË FIER:
Fier/Informacion paraprak

Rreth orës 10:50, në vendin e quajtur “Qafa e Koshovicës”, automjeti tip “Ford” me drejtues shtetasin N. H., 39 vjeç, është përplasur me automjetin tip “Benz” me drejtues shtetasin F. L., 24 vjeç.

Si pasojë e përplasjes janë dëmtuar dy drejtuesit e mjeteve të cilët ndodhen në spital, në kujdesin e mjekëve.

Grupi hetimor po punon për zbardhjen e rrethanave të aksidentit.