Ndahet nga jeta këngëtari grek Vassilis Karras
Një tjetër legjendë e muzikës ka mbyllur sytë përgjithmonë! Bëhet fjalë për të madhin Vassilis Karras. Këngëtari grek është ndarë nga jeta ditën e sotme në moshën 70-vjeçare.
Sipas asaj që raportojnë mediat greke mësohet se këngëtari shumë i dashur për të gjithë përgjatë ditëve të fundit ishte shtruar në reaminacion pasi ishte infektuar me Covid-19. Si pasojë gjendja e tij shëndetësore ishte rënduar, duke dhënë frymën e fundit në orën 17:00 të së dielës, si pasojë e një goditje në tru.
Vasilis Karras ka lindur në Kokkinochori të Kavallës, ndërsa në moshën 10-vjeçare shkoi me familjen në Selanik. Në vitin 1969, në moshën 16-vjeçare, ai bëri daljen e tij të parë muzikore në lokalin e natës “Prosfygas” në Evosmos të Selanikut. Njëkohësisht punonte si automekanik, dashuria e tij e dytë e madhe pas këngës. Ai kishte punuar edhe në motorrin e OSE-së në Selanik, fakt që pasqyrohet në këngën e tij “Ego agapi mou, ego”.
Karrierën profesionale e filloi në Selanik. Disqet janë bërë ari dhe platini, ndërsa suksesi i tij më i madh komercial ishte disku “You Made Me a Tramp”, i cili shiti mbi 180,000 kopje , me tekst dhe muzikë të Michalis Rakintzis.
Përgjatë gjithë karrierës së tij bashkëpunoi me kompozitorë dhe tekstshkrues, si Dimitris Rakitzis Foivos, George Theofanous, Alekos Chrysovergis dhe Spyros Giatras, Evi Droutsa, Panos Falaras, Christos Dantes, Kyriakos Papadopoulos dhe Ilias Filippou, Michalis Hatzigiannis e shumë të tjerë, Christos Nikolopoulos. Ai kishte bërë duete me shumë këngëtarë si Marianthi Kefala, Pyx Lax, Konstantina, Angela Dimitriou, Tolis Voskopoulos, Nikos Zoidakis, Kaiti Garbi, Despina Vandi, Elli Kokkinu, Irini Merkouri, Paola, Pantelis Pantelidis si dhe me George Kakosao. Ai kishte punuar me shumicën prej tyre në programe live. Ai ishte gjithashtu ishte kompozitor dhe tekstshkrues dhe kishte shkruar këngë për shumë këngëtarë grekë.
