Flakët dhe tymi i zi “pushtojnë” autostradën në Lushnje, forcat zjarrfikëse ndërhyjnë për shuarjen e zjarrit
Një sasi gomash automjetesh janë djegur sot në afërsi të autostradës së Lushnjes, në ambientet e një ish-biznesi.
Si pasojë, tymi i madh ka pushtuar të gjithë zonën. Menjëherë më pas, zjarrfikësit janë nisur drejt vendngjarjes, për të vënë nën kontroll flakët.
Në ndihmë të zjarrfikësve të Lushnjes kanë shkuar edhe ata të Divjakës, duke bërë të mundur vënien në kontroll të flakëve. Sakaq, raportohet për dëme të konsiderueshme materiale.
Fier/ Informacion paraprak
Rreth orës 16:15, në aksin rrugor Plug-Savër, Lushnjë, ka rënë zjarr në një kanal ku janë djegur disa barishte.
Si pasojë e përhapjes së flakëve janë djegur disa panele dhe nje automjet tip furgon i vjetër jofunksional, në një karburant në afërsi të kanalit, i cili prej kohësh ka qënë i mbyllur dhe jashtë funskionit.
Falë ndërhyrjes së menjëhershme të shërbimeve të Policisë dhe zjarrëfikses është bërë e mundur fikja e zjarrit.
Grupi hetimor po punon për sqarimin e plotë të rrethanave të rënies së zjarrit dhe zbulimin e kapjen e autorit/ve.
