AKTUALITET
Sulmet e Metës ndaj kreut të SPAK/ Vjen reagimi i fortë nga BE: Të papranueshme! Mbështesim luftën kundër korrupsionit
Delegacioni i BE në Tiranë ka reaguar ndaj sulmeve të Ilir Metës për drejtuesin e SPAK.
“Sulmet apo intimidimet kundër anëtarëve të gjyqësorit nuk kanë vend në demokraci. Ne mbështesim deklaratat e Këshillit të Lartë të Prokurorisë duke dënuar si papranueshme deklaratat publike të drejtuara kundër SPAK.
Bashkimi Evropian qëndron pranë magjistratëve dhe profesionistëve shqiptarë të angazhuar në luftën kundër korrupsionit dhe krimit të organizuar“, thuhet në deklaratë.
