AKTUALITETKRONIKË
Aksidenti tragjik në Fier, ku humbi jetën 75-vjeçari. Policia arreston drejtuesin e mjetit.
Fier – Specialistët e Qarkullimit Rrugor kanë arrestuar në flagrancë shtetasin M. J., 47 vjeç, banues në Fier, pasi duke drejtuar automjetin e tij, ka përplasur për vdekje këmbësorin I. B., 75 vjeç. Si pasojë e përplasjes, shtetasi Isuf Buzi ka ndërruar jetë nga plagët e marra.
Në një njoftim të mëparshëm, të dhënat e viktimës nuk ishin të sakta, por pas verifikimeve të kryera në morgun e Spitalit të Fierit dhe me ndihmën e familjarëve, u konfirmua identiteti i saktë i viktimës.
Materialet procedurale i janë dorëzuar Prokurorisë për hetime të mëtejshme mbi ngjarjen.
