AKTUALITETKRONIKË
Aksident tragjik në Orikum, 46-vjeçari humb jetën pasi u përplas nga një automjet
Sot rreth orës 20:20, në afërsi të urës në Orikum, ka ndodhur një aksident fatal ku një 46-vjeçar ka humbur jetën. Sipas burimeve paraprake, shtetasi D. K., i cili po lëvizte me biçikletë, është përplasur nga një automjet tip “Lexus” që drejtohej nga shtetasi K. C., 32 vjeç.
I plagosuri u transportua menjëherë në spitalin e Vlorës, por për shkak të dëmtimeve të rënda, fatkeqësisht ndërroi jetë.
Policia ka shoqëruar drejtuesin e automjetit në Komisariatin e Vlorës për veprime të mëtejshme, ndërsa grupi hetimor është duke punuar për zbardhjen e plotë të rrethanave të aksidentit.
