M*sakrimi i shqiptares shtatzënë, partneri dhe shoku i tij mohojnë akuzat! Vëllai i viktimës: I thashë se ai s’më pëlqente! Motra e 39-vjeçarit: Ishte i dhunshëm, më bënte për spital
Partneri i Gjeorgjia Muratit dhe shoku i tij kanë mohuar në gjyq akuzat se janë autorët e vrasjes së 41-vjeçares shtatzënë, janarin e kaluar, trupi i së cilës u gjet në një zonë pyjore pranë Monopigados, e masakruar me thikë.
Partner i gruas shtatzënë dhe shoku i tij 34-vjeçar përballen me akuzën e vrasjes nga pakujdesia, ndërprerje të shtatzënisë dhe grabitje, si dhe mbajtja dhe përdorimi i paligjshëm i armëve.
39-vjeçari tha se nuk kishte asnjë lidhje me akuzat ndaj tij, ndërsa shoku i tij deklaroi se nuk e ka kryer ai vrasjen.
Në gjyq ka dëshmuar vëllai i viktimës, i cili ishte rrethuar nga punonjës policie për të shmangur ndonjë incident me dy të pandehurit e ulur në bankën e të akuzuarve.
Vëllai i 41-vjeçares tha se e kishte parë vetëm 5 herë partnerin e saj dhe i tha të motrës se nuk e pëlqente atë si njeri.
Për më tepër, ai dëshmoi se me kalimin e kohës e motra e tij dukej si e humbur dhe e shqetësuar.
Vëllai i viktimës shtoi se e dinte se që 41-vjeçarja ishte shtatzënë dhe mendonte se ajo nuk ishte e lumtur.
Ndërsa motra e autorit të dyshuar tha se mësoi për rastin e zhdukjes së Gjeorgjisë nga televizioni dhe i bëri përshtypje mënyra se si fliste i vëllai, pasi sipas saj dukej që 39-vjeçari po fshihte diçka.
Dëshmitarja tregoi se nëse do ta kishte njohur viktimën, do ta kishte paralajmëruar që t’i qëndronte larg vëllait të saj pasi e njihte karakterin e tij. Ajo e cilësoi atë si gjaknxehtë dhe manipulues, ndërsa shtoi se 39-vjeçari e kishte dhunuar.
“Ai ishte i dhunshëm, më rrihte aq shumë sa keq saqë përfundoja në spital. Ai ka pasur sjellje agresive edhe ndaj gruas së dytë”, ka dëshmuar ajo.
“Motivimi nuk ishin paratë. Dua të di pse e vranë Gjeorgjinë”, tha motra e 39-vjeçarit.
Sipas rezultateve të mjekësisë ligjore, viktima, e cila ishte 7 javëshe shtatzënë, kishte 3 plagë me thikë në zonën e qafës së mitrës dhe në qafë.
Vrasja është kryer ditën e ndërrimit të viteve, në banesën e 39-vjeçarit, në Kalamaria, dhe motivi i autorëve duket se ka qenë grabitja.
