Kapshticë, drogë në kamion/ Sekuestrohen 56 kilogramë kanabis dhe 1300 euro, arrestohen babë e bir
Detaje të reja dalin nga gjetja e 56 kg drogë në një kamion në pikën kufitare të Kapshticës.
Raportohet se droga ishte vendosur brenda 44 shufrave metalike të montuara në pjesën e tavanit të rimorkios së kamionit.
Në shufrat metale u zbulua një sasi kanabisi me peshë totale prej 56 kg.
Pas gjetjes së drogës, u vendosën në pranga kanë rënë baba e bir, Dashmir Hamazaraj (pasagjer në mjet) dhe Amanti Hamazaraj (shofer) përkatësisht 68 vjeç dhe 35 vjeç, banues në Tiranë.
Gjitashtu u shpall në kërkim 38 vjeçari me iniciale F. K., banues në Tiranë, pasi dyshohet si posedues i lëndës narkotike dhe bashkëpunëtor në trafikimin e saj.
Njoftimi i policisë:
Korçë/Finalizohet nga Sektori për Hetimin e Narkotikëve i DVP Korçë, në bashkëpunim me DVKM Korçë, operacioni i koduar “Shufrat”, për goditjen e një rasti të tentativës për trafikim të lëndëve narkotike.
Gjatë operacionit u sekuestruan 56 kilogramë lëndë narkotike cannabis sativa, kamioni ku ishte fshehur lënda narkotike dhe 1300 euro.
Në kuadër të operacionit u arrestuan shtetasit: D. H., 68 vjeç dhe A. H., 35 vjeç, banues në Tiranë (babë e bir).
Në PKK Kapështicë, në dalje të RSh-së, shërbimet e Policisë, bazuar në inteligjencën policore, kanë kaluar për kontroll në vijën e dytë, automjetin kamion me drejtues shtetasin A. H dhe pasagjer shtetasin D. H. Gjatë kontrollit, në pjesën e tavanit të rimorkios së kamionit u konstatuan të montuara 44 shufra metalike, në të cilat ishin fshehur sasi lënde narkotike cannabis sativa, me peshë totale 56 kilogramë.
Në vijim të veprimeve procedurale u shpall në kërkim shtetasi F. K., 38 vjeç, banues në Tiranë, pasi dyshohet si posedues i lëndës narkotike dhe bashkëpunëtor në trafikimin e saj.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
