AKTUALITETSTAR CHANNEL
Tërmet me magnitudë 4.1 në Kosovë, lëkundjet e forta ndihen edhe në Kukës
Një tërmet me magnitudë 4.1 i shkallës së Rihterit ka goditur Kosovën në orët e hershme të mëngjesit të së enjtes, më 12 dhjetor 2024. Sipas Qendrës Sizmologjike Evropiane të Mesdheut (EMSC), dridhjet kanë ndodhur në orën 01:46 dhe epiqendra ishte 16 kilometra në jugperëndim të Prizrenit. Thellësia e tërmetit ishte 16 kilometra dhe dridhjet janë ndjerë jo vetëm në Kosovë, por edhe në Kukës e Maqedoninë e Veriut.
Një tjetër tërmet më i vogël ka pasuar në orën 03:59, me magnitudë 3.2 të shkallës së Rihterit, me epiqendër 17 kilometra në jugperëndim të Prizrenit, ose 7 kilometra në veriperëndim të Dragashit.
