Gentian Koçi mes më të votuarve në Primaret e PD Fier, renditet i pesti me 438 vota
Kandidati për Primaret e Partisë Demokratike në Qarkun e Fierit, Gentian Koçi, ka siguruar 438 vota, duke u renditur i pesti mes më të votuarve në këtë proces.
Në një reagim pas shpalljes së rezultateve, Koçi falënderoi demokratët për mbështetjen dhe pjesëmarrjen masive, duke e cilësuar këtë proces si një model demokracie dhe uniteti brenda PD-së.
“Votëbesimi juaj është forca ime më e madhe për të vazhduar këtë rrugëtim me përkushtim, vendosmëri dhe angazhim maksimal! Të bashkojmë forcat drejt sfidës së madhe, përmbysjes së sektit të Rilindjes dhe rikthimit në pushtet të Partisë Demokratike!” – shkroi ai.
Koçi e cilësoi pjesëmarrjen e gjerë të anëtarësisë si një tregues se PD është më e bashkuar se kurrë dhe e vendosur drejt fitores në zgjedhjet e 11 majit.
