Aksident tragjik në Delvinë/ Dy motrat 20 dhe 22 vjeçe humbin jetën, një tjetër mbetet e plagosur rëndë
Një aksident i rëndë ka ndodhur mbrëmjen e sotme në aksin rrugor Delvinë–Sarandë, duke lënë pas dy viktima dhe një të plagosur rëndë.
Sipas informacionit paraprak, automjeti tip “Audi”, i drejtuar nga një 23-vjeçar, është përplasur me mjetin “Lancia”, që drejtohej nga Ela Dhimaku, 22 vjeçe, nga fshati Kopaçeza, bashkia Delvinë.
Përplasja fatale ka marrë jetën e Ela Dhimakut, drejtueses së mjetit, dhe motres se sajë, Rezi Dhimakut, 20 vjeçe, si dhe pasagjerja qe udhetonte me motrat, Antonela Zhupa, 24 vjeçe, ka mbetur e plagosur rëndë dhe ndodhet nën kujdesin e mjekëve në Spitalin e Sarandës.
Mësohet se makina ku udhëtonin tre vajzat u përplas nga një “Audi” që lëvizte me shpejtësi.
Ngjarja ka shkaktuar tronditje në komunitetin lokal, ndërsa grupi hetimor ndodhet në vendngjarje, duke punuar për zbardhjen e plotë të shkaqeve dhe rrethanave të aksidentit tragjik.
