KRONIKËSTAR CHANNEL
Vrasja e Mondi Mëhallës në Elbasan/ Shpallet në kërkim 35-vjeçari, ‘shokët’ i nxorën emrin në polici
Policia e Elbasanit ka shpallur në kërkim shtetasin Oklid El Ouejdi (35 vjeç), banues në Elbasan, në lidhje me vrasjen e biznesmenit Mondi Mëhalla, ngjarje e ndodhur mbrëmjen e 30 nëntorit.
Burime pranë hetimit bëjnë me dije se emri i 35-vjeçarit është përmendur nga Naldi Gjini, i cili ishte personi i parë i shoqëruar në kuadër të hetimeve. Sipas burimeve, Gjini ka deklaruar se bashkë me Armando Kolën, Nevzat Spahon dhe Marselo Aranin, kanë qenë pjesë e grupit që dyshohet se ka siguruar automjetin e përdorur në krim.
Reklama në FieriWeb - “PIZZA ITALIA FIER”
Në këtë fazë të hetimit, Prokuroria po heton pistën e një konflikti të mundshëm mes Oklid El Ouejdit dhe viktimës, pak kohë para ngjarjes.
Hetimet vijojnë.
