KRONIKËSTAR CHANNEL
Aksident në aksin Krutje–Pushimi i Shoferit, automjeti përfundon në kanal me ujë
Një aksident rrugor është regjistruar mesditën e kësaj të enjteje në aksin Krutje–Pushimi i Shoferit, ku një automjet tip “Benz” ka dalë nga rruga dhe ka përfunduar i përmbysur në një kanal me ujë anës rrugës.
Sipas informacioneve paraprake, drejtuesi i mjetit, i cili udhëtonte së bashku me djalin e tij të mitur, dyshohet se ka humbur kontrollin e automjetit, duke mos arritur ta mbajë në karrexhatë.
Reklama në FieriWeb - “PIZZA ITALIA FIER”
Fatmirësisht, menjëherë pas aksidentit kanë ndërhyrë dy banorë të zonës, të cilët kanë ndihmuar në nxjerrjen e babait dhe djalit nga automjeti. Të dy kanë shpëtuar pa lëndime serioze.
Rrethanat e plota të aksidentit po hetohen nga autoritetet përkatëse.
