KRONIKË
AKSIDENT NË HUMELIC TË GJIROKASTRËS, NJË AUTOMJET PËRFUNDON JASHTË RRUGËS

Një aksident rrugor është regjistruar në afërsi të fshatit Humelic, në Gjirokastër, ku janë përfshirë dy automjete.
Si pasojë e përplasjes, njëri prej automjeteve ka humbur kontrollin dhe ka përfunduar jashtë rrugës.
Fatmirësisht, nga aksidenti nuk raportohen persona të lënduar, por vetëm dëme materiale.
Dyshohet se shkak i aksidentit ka qenë shpejtësia dhe mosmanovrimi në kohë nga drejtuesi i njërit prej automjeteve.




