Aksident në Lushnjë/ Makina i pret rrugën mjetit me targa gjermane, dy të plagosur në gjendje të rëndë
Një aksident ka ndodhur këtë të martë në aksin rural Kashtë Bardhë-Krutje në Lushnjë, me pasojë plagosjen e dy personave.
Sipas informacioneve, aksidenti ndodhi në kryqëzimin e fshatit Qerret i Vjetër. Mjeti tip “Fuoristradë” me targa gjermane udhëtonte nga Kashtë Bardha në drejtim të Krutjes dhe mjeti tip “Pasat” me targa AA 384 jy i ka prerë rrugën në kryqëzim.
Mjeti “Pasat” përfundoi në kanal pas përplasjes.
Nga aksidenti, të plagosur rëndë nën kujdesin e mjekëve janë dy qytetarë banues në zonë, të cilët po udhëtonin me mjetin “Pasat”, ndërsa drejtuesi dhe bashkëudhëtarët në “Fuoristradë” nuk janë lënduar nga përplasja.
Në vendngjarje ndodhen policia e qarkullimit dhe zjarrfikësit e Lushnjës, ndërsa pritet ekspertiza e policisë për të saktësuar shkaqet e aksidentit.
Lushnjë/Informacion paraprak
Rreth orës 20:20, në fshatin Qerret i Vjetër, automjeti tip “Volkswagen” me drejtues shtetasin B. Q., 53 vjeç, është përplasur me automjetin tip “Toyota” me drejtues shtetasin I. B.
Si pasojë e përplasje, është dëmtuar drejtuesi i automjetit tip “Volkswagen” dhe pasagjeri në këtë mjet, shtetasi D. K., 43 vjeç, të cilët ndodhen në spital, në kujdesin e mjekëve.
Grupi hetimor po punon për përcaktimin e shkakut të aksidentit.
