Aksident tragjik në Levan, me një humbje jete dhe disa të plagosur – arrestohet drejtuesi i mjetit
Drejtoria Vendore e Policisë Fier ka njoftuar arrestimin në flagrancë të drejtuesit të mjetit që shkaktoi aksidentin tragjik të ndodhur ditën e djeshme, në rrethrrotullimin e fshatit Levan.
Specialistët e Sektorit të Qarkullimit Rrugor bënë arrestimin e shtetasit I. P., 56 vjeç, banues në Tiranë, pasi duke drejtuar automjetin e tij, ka përplasur mjetin me drejtues shtetasin K. B., 51 vjeç, banues në Peqin, i cili për fat të keq humbi jetën në vendngjarje.
Si pasojë e përplasjes, mbetën të plagosur edhe vetë shtetasi I. P., si dhe 4 pasagjerë që ndodheshin në dy automjetet e përfshira në aksident. Dy prej të dëmtuarve, pasi morën ndihmën mjekësore në spital, janë larguar në banesë.
Materialet procedurale në lidhje me këtë ngjarje iu referuan Prokurorisë së Fierit për veprime të mëtejshme.
