BOTA
Anija e mbushur me drogë, sekuestrohen rreth 3 ton kokainë në Spanjë, në pranga 5 persona
Një operacion i madh është zhvilluar në Spanjë, që ka çuar në kapjen e një anije peshkimi që ishte e mbushur me kokainë.
Mediat e huaja bëjnë me dije se operacioni u zhvillua nga Shërbimi i Mbikëqyrjes Doganore të Agjencisë Tatimore, në kuadër të një aksioni ndërkombëtar të koordinuar nga MAOC-N dhe CITCO.
Garda Civile, në kuadër të këtij operacioni ka kapur një anije peshkimi të ngarkuar me më shumë se 2900 kilogramë kokainë në ujërat në jug të ishujve Kanarie.
Kur policia hipi në anije gjeti kokainën e fshehur dhe arrestoi pesë anëtarët e ekuipazhit, katër me kombësi turke dhe një shtetas gjeorgjian.
