“Fiku sahatin e dritave dhe i hyri në dhomë”, dëshmia tronditëse e Fatjonit: Babai tentoi të përdhunonte Merushen
Detaje të reja dhe tepër tronditëse janë zbardhur në lidhje me ngjarjen e rëndë në Fier ku Xhevahir Hoxha masakroi bashkëjetuesen e djalit të tij dhe më pas vrau veten. Fatjon Hoxha gjatë një emisioni televiziv në “News24” ka deklaruar se rreth tre vite më parë, i ati i ishte futur në dhomë Merushes dhe ka tentuar të kryejë marrëdhënie seksuale me të. Ai tregoi se i ati kishte fikur sahatin e dritave dhe ishte futur nga dritarja në dhomën e Merushes por kjo e fundit pasi kishte ndezur celularin kiishte parë që “vjehrri” i ishte futur në dhomë.
Pjesë nga dëshmia e Fatjon Hoxhës:
Dyshime se babai i tij kishte korruptuar policët– Ne dyshojmë sepse ai kishte shumë bagëti dhe i shiti dhe bridhte shumë nëpër polici. Unë nuk kam ushtruar presion psikologjik ndaj tij, ai merrte plakën time i bënte presion dhe i thoshte hajde ta fusim brenda në polici, për mua.
Bën fajtore nënën?– Unë se bëj nënën bashkëfajtore se ajo kishte frikë nga ai, ajo e kundërshtonte lidhjen me Merushen sepse nuk e donte.
E pa duke varur veten, pse e la të vetëvritej? – Ka pas frikë, kush e di ca ka pas në dorë, do jetë fshehur për vetë. Kur ka masakruar Merushen nëna ka qenë në shtëpi.
Intervista tronditëse e nënë, e qetë duke pastruar gjakun e Merushes– E pashë, (qan), ca thoshte ai thoshte dhe ajo, kishte frikë.
Pse e sekuestroi telefonin e të atit?– Ai ka folur shumë dhe me shumë njerëz, mund ta kenë ndihmuar, duke fol keq, se flisnin keq në fshat për Merushën, jo ka tre fëmijë, jo do të marrë pasurinë. Fjalët e njerëzve ka ndikuar në vendimin e babait por dhe diçka tjetër ka.
Arsyeja pse babai e ka vrarë– Kur ka pasur lidhje me mua, atëherë e ka njohur Merushen, jo më parë. Disa llafe më ka thënë. Ca do themi ne, nuk na beson njeri… Po bën tre vite që e solla në shtëpi Merushen, aty e lash të flinte te një dhomë dhe unë fleta te dhoma ime, dhe ai ishte hedhur nga dritarja, dhe mendova se ishe ti tha Merushja, nuk e shihja fare, se ai kishte fikur sahatin, i kishte thënë jo kshu jo kshu e kishte ngacmuar, ndeza blicin e telefonit tha Merushja dhe kur e pa që ishte ai, i tha dil jashtë, ai doli dhe i tha po i the gjë Fatjonit do të vë teken në gojë do të vras, këtë gjë ia kishte thënë mamasë time ai, më tha ajo ca kish bërë kshu kshu, kishte shkuar në dhomë…. Vajta nga mami dhe më tha në mëngjes kshu kshu, Merushja u ngrit duke qarë, ‘më hyri në dhomë qeni’, kishte lënë dritaren hapur dhe i kishte hyrë në dhomë.
