POLITIKË
Arratisja e Ahmetaj/ Dallëndyshe Bici nuk pranon mandatin e deputetes
Drejtorja e Kadastrës, Dallëndyshe Bici në një letër drejtuar kreut të KQZ-së Ilirjan Celibashi shpreh refuzimin e saj për të marrë mandatin e deputetes së Partisë Socialiste në Kuvendin e Shqipërisë.
Arratisja e Arben Ahmetaj dhe mungesa e tij prej 6 muajsh në seancat plenare bënë që ish-zëvëndëkryeministrit t’i digjet mandati. Sipas listës së PS-së rradha për të marrë mandatin i takonte Dallëndyshe Bicit.
Por ajo nuk ka pranuar ta marrë një mandat të tillë, pasi është e angazhuar në detyrën e saj si drejtore e Kadastrës.
Sipas listës, posti i deputetit i takon Plarent Ndrecës, që pritet të jetë deputeti i ri socialist në vend të Arben Ahmetaj.
Shkresa e Dallëndyshe Bicit drejtuar KQZ-së:
Reklama në FieriWeb - “PIZZA ITALIA FIER”
