Barazim i ëmbël, Shqipëria del me pikë nga Çekia, një kryevepër e Bajramit “hesht” Pragën
Shqipëria ka marrë një pikë të artë në rrugën për në Euro 2024, teksa barazoi 1-1 në “Pragë”, në “Fortuna Arena”, ndaj Çekisë. Kuqezinjtë e filluan ndeshjen me shumë dëshirë për të sulmuar, teksa në minutat e para Seferi nuk mbërriti dot një top të ardhur nga krahët, ndërsa pak më pas një iniciativë e Cikalleshit nga krahu i majtë, edhe pse offside, shqetësoi jo pak portën kundërshtare.
Djemtë e Sylhavit lëshuan sinjalin e parë serioz në minutë ne 13-të, por gjuajtja e Cerny është tepër e lehtë për Berishën, i cili e kishte të thjeshtë të neutralizonte topin. Kuqezinjtë morën zemër dhe provuan të bënin diçka konkrete në minutën e 26-të, Asani gaboi përballë portierit, arbitri qëtësoi lojtarin shqiptari pasi ishte thjeshtë një pozicion jashtë lojë. Jasir Asani u shfaq protagonist në minutën e 27-të, këtë herë me asist maestral për Cikalleshin, por sulmuesi bëri zgjedhjen e gabuar duke provuar të driblojë portierin. Në fundin e pjesës së parë djemtë e Sylvinhos gabuan në prapavijë, fati ishte me kombëtaren tonë pasi Soucek nuk u tregua i saktë nga një pozicion tejet i favorshëm.
Fraksion i dytë nis me malore për Shqipërinë, Ismajli nuk largoi si duhet një top nga zona, realizoi Provod, me festën që nuk zgjati shumë pasi VAR anuloi golin për pozicion të parregullt
Çekia festoi në të 56-tën, Cerny ndëshkoi Berishën me të majtën, duke çuar sferën pas shpinës së portierit kuqezi.
Nedim Bajrami nuk e kishte thënë fjalën e tij në këtë ndeshje, mesfushori shënon një gol për panoramë 10 minuta më pas, për të “shkundur merimangat” e portës së mbrojtur nga Pavlenka. Një gol që mrekulli Pragën, një gol që elektrizoi stadiumin. Mbrëmje magjike për Mirlind Dakun dhe Arbnor Mujën, të cilët debutuan me Kombëtaren, duke u aktivizuar në pjesën e dytë.
Kështu, grupi E kryesohet nga Çekia me 8 pikë, ndërsa Shqipëria ka një pikë më pak dhe renditet në vendin e dytë. Polonia rikthehet te fitorja, një triumf 2-0 për vendin e 3-të dhe 6 pikë të grumbulluara.
