KRONIKËSTAR CHANNEL
Breshëri automatiku në Ferras! Policia në vendngjarje, arrestohet në flagrancë 52-vjeçari
Momente paniku janë regjistruar në fshatin Ferras bashkia Divjakë, ku të shtënat me armë automatike kanë alarmuar banorët e zonës. Policia ka ndërhyrë menjëherë, duke arrestuar në flagrancë një 52-vjeçar, i identifikuar me inicialet L. Xh.
Sipas burimeve zyrtare, gjatë një konflikti për motive të dobëta, 52-vjeçari dyshohet se ka qëlluar me kallashnikov dhe ka kanosur një shtetase të fshatit.
Reklama në FieriWeb - “PIZZA ITALIA FIER”
Gjatë kontrollit në banesën e tij, uniformat blu gjetën dhe sekuestruan municion luftarak, ndërsa vijojnë kërkimet intensive për armën e përdorur në ngjarje.
Materialet procedurale i janë referuar Prokurorisë së Fierit për veprime të mëtejshme, për veprat penale “Mbajtja pa leje e armëve”, “Kanosja” dhe “Prishja e qetësisë publike”.
