Deklarata e fortë e Nikoll Lesit: Ilir Meta do të jetë kandidati i Foltores për kryeministër! Çfarë thuhet në statutin e ri që kërkon të bëjë Sali Berisha
Ish-deputeti dhe botuesi Nikoll Lesi ka bërë një deklaratë të fortë duke u shprehur se Presidenti Ilir Meta do të jetë kandidati për kryeministër i Foltores në zgjedhjet e ardhshme.
Sipas tij, kjo është arsyeja që Sali Berisha po kërkon të ndryshojë statutin, ku të mos jetë e detyrueshme që kryetari i partisë të jetë domosdoshmërish kryeministër.
Sipas Lesit, Meta është një nga politikanët që ka bërë opozitën më të fortë edhe kur Basha ka heshtur.
“Në statutin e ri që kërkon të bëjë Berisha, thuhet që nuk është e domosdoshme që kryetari i partisë të jetë kryeministër. Kjo bëhet për të patur Ilir Metën kandidat për kryeministër në zgjedhjet e ardhshme. Kryetar i PD-së Sali Berisha dhe kandidat për kryeministër Ilir Meta.”, tha Lesi në emisionin ‘Të Pakespozuarit’.
