I biri i Michael Schumacher, Mick Schumacher është në gjendje të mirë shëndetësore, pas aksidentit të rëndë që e pësoi gjatë garimit.
Piloti i Formula 1, Mick Schumacher pësoi një aksident të tmerrshëm në kualifikimet e garët së ccmimit të madh të Arabisë Saudite.
I biri i legjendës së këtij sporti, Michael Schumacher pati një përplasje të frikshme në një kthesë pasi e humbi kontrollin e makinës.
Si rezultat i këtij aksidenti, 23 vjeçari përfundoi në spital ndërsa në pistë u ngrit flamuri i kuq për t’u futur ekipi mjekësor, i cili e trajtoi pilotin gjerman.
Por, fatmirësisht Schumacher junior kaloi pa lëndime të rënda, edhe pse e humbi garën në “Jeddah Corniche Circuit”.
Ai madje është paraqitur me një postim përmes rrjeteve sociale, ku ka treguar se është mirë me shëndet, ndërkohë që i ka falënderuar të gjithë ata që u përkujdesën për shëndetin e tij.
“Përshëndetje të gjithëve, vetëm dua t’ju tregoj se jam mirë. Faleminderit për mesazhet e ngrohta. Do të kthehemi më të fortë”, ka shkruar Schumacher.
