Do ta lirosh zyrën nëse shkarkohesh nga GJK, Presidenti Meta bën reagimin epik, qesh me lot: Kjo ishte pyetje e jashtëzakonshme…
Presidenti i Republikës, Ilir Meta pasditen e sotme doli në një konferencë të jashtëzakonshme lidhur me përgjigjet e kërkuara nga Gjykata Kushtetuese e cila i ka drejtuar plot 72 pyetje mbi veprimtarinë e tij në krye të këtij institucioni.
Meta bëri një reagim epik duke qeshur kur u pyet nga gazetarët për mundësinë e shkarkimit të tij dhe nëse do ta lirojë zyrën e kreut të shtetit.
Pyetje: Do ta lirosh zyrën nëse shkarkohesh nga Gjykata Kushtetuese?
“(qesh…) Kjo ishte pyetje e mrekullueshme e jashtëzakonshme! Ky institucion ka qenë në shërbim të popullit të Shqipërisë. Presidenti ka mbrojtje të veçantë nga Kushtetuta e Republikës së Shqipërisë. Duhet mbi 2/3 për ta shkarkuar Presidentin për të mos u bërë skllav i pushtetit. Kushtetuta thotë qartë, Presidenti shkarkohet vetëm për shkelje të rënda dhe nëse kryen krim të rëndë, këto kanë të bëjnë me tradhtinë ndaj atdheut. Ilir Meta nuk ka tradhtuar interesat e atdheut”, u përgjigj Meta.
