KRONIKË

Dyshohet se morën para për të mos arrestuar qytetarin në shkelje, SPAK shpall pretencën për dy efektivët në Orikum

Prokuroria e Posaçme ka dhënë pretencën për dy efektivët e Policisë, të dyshuar për korrupsion në zonën e Orikumit, në Vlorë. Sipas akuzës, ata dyshohet se i kanë marrë 2.7 milionë lekë të vjetra qytetarit Everest Bashaj, në këmbim të mosarrestimit të tij.

Gazetarja e Top Channel, Anila Hoxha, raporton se prokurori Elvin Gokaj ka kërkuar dënimin me nga 2 vite burg për ish-shefin e Krimeve, Daniel Liskendaj, dhe specialistin e zonës së Policimit në Komunitet, Afrim Ferraj.

Reklama në FieriWeb - “VODAFONE ALBANIA”

Gjithashtu, për të dy efektivët është kërkuar heqja e së drejtës për të ushtruar funksione publike për një periudhë 3-vjeçare. Ndërkohë, për qytetarin Everest Bashaj, i cili dyshohet se ka dhënë shumën e parave, prokuroria ka kërkuar dënimin me 8 muaj burg.

Sipas akuzës, dy efektivët dyshohet se kanë përfituar shumën prej 2.7 milionë lekësh të vjetra për të mos kryer arrestimin e Bashajt. Tashmë pritet që Gjykata të shqyrtojë kërkesat e prokurorisë dhe të japë vendimin përfundimtar për të pandehurit.

Reklama në FieriWeb - "ARGJENDARI ILIA"

Related Articles

Leave a Reply

Your email address will not be published. Required fields are marked *

Back to top button