AKTUALITETSTAR CHANNEL
Fier/ Kristaq Ziu reagon pas dënimeve të krerëve të UÇK-së në Hagë: Shkel dhe gris flamurin e BE-së
Një reagim simbolik ka ardhur nga Fieri pas dënimeve të dhëna nga gjykata në Hagë ndaj krerëve të Ushtrisë Çlirimtare të Kosovës.
Kristaq Ziu, patriot nga Fieri dhe kryetar i Shoqatës At dhetare për Bashkim dhe Identitet Kombëtar, ka shprehur publikisht kundërshtimin e tij ndaj vendimeve të gjykatës.
Në shenjë proteste, Ziu ka shkelur dhe më pas ka grisur flamurin e Bashkimit Evropian, duke e shoqëruar veprimin me qëndrimin e tij në mbështetje të ish-krerëve dhe luftëtarëve të UÇK-së.
Veprimi i tij është paraqitur si një akt simbolik kundër vendimeve të dhëna në Hagë dhe si shprehje e mbështetjes për Kosovën dhe luftëtarët e Ushtrisë Çlirimtare të Kosovës.
