Fitorja e Selinit ndez debat të fortë, Mateo shpërthen ndaj produksionit dhe fshin mesazhin menjëherë!
Fitorja e Selini në “BBVA5” dhe renditja e Mirit në vendin e dytë është shoqëruar me reagime të shumta në rrjetet sociale. Mes zhurmës së krijuar, ka reaguar i irrituar edhe vetë Mateo.
Përmes një postimi në Instagramin e tij, të cilin e fshiu vetëm pak minuta më vonë, Mateo akuzoi produksionin se fitorja e këtij edicioni të “Big Brother” ishte e paracaktuar. Sipas tij, votat e publikut kishin treguar një rezultat tjetër nga ai që u shpall në finale.
“Kur drejtësia në televizione bëhet sipas interesave dhe jo sipas meritës, atëherë çdo votë e publikut humbet vlerën. Publiku mbështet, voton, investon emocion, por në fund rezultati del i paracaktuar”, shkroi Mateo në Instastory.
Megjithëse postimi u fshi menjëherë, reagimi i tij u shpërnda me shpejtësi dhe bëri xhiron e rrjetit.
