AKTUALITETSTAR CHANNEL
Flakët kërcënojnë Vloshin, zjarrfikësit e Roskovecit vijojnë betejën me kohën
Vazhdon pa ndërprerje angazhimi i forcave zjarrfikëse të Bashkisë Roskovec në përpjekjet për shuarjen e zjarrit që ka përfshirë pyjet e Mallakastrës. Gjatë orëve të fundit, flakët janë afruar pranë kufirit me fshatin Vlosh, duke rritur rrezikun për përhapjen e tyre në territorin e kësaj zone.
Sipas të dhënave nga terreni, zjarri po kërcënon sipërfaqe të mbuluara me pemë të ulëta dhe shkurre në fshatin Vlosh, ndërsa efektivët zjarrfikës po punojnë në kushte të vështira për të izoluar dhe neutralizuar vatrën.
Reklama në FieriWeb - “PIZZA ITALIA FIER”
Operacioni vijon me intensitet, ndërsa forcat zjarrfikëse janë në një garë me kohën për të ndalur avancimin e flakëve dhe për të mbrojtur pasurinë natyrore të zonës.
