FORMACIONET ZYRTARE/ Edy Reja surprizon me Bajramin, këta janë 11 titullarët e KOMBËTARES kundër Hungarisë
Kombëtarja shqiptare e futbollit luan sot në 20:45 me Hungarinë në “Puskas Arena”, ku vetëm një fitore do t’i mbante gjallë shpresat e Shqipërisë për vendin e dytë në grup.
UEFA ka bërë publike edhe formacionin zuyrtar të kuqezinjve, me trajnerin Edy Reja që ka surprizuar me 11-shen titullare.
Në portë do të jetë kapiteni Berisha, ndërsa në mbrojtje tekniku italian ka rreshtuar “murin” e zakonshëm, me Gjimshitin, Kumbullën dhe Ismajlin. Në të djathtë kthehet Elseid Hysaj, ndërkohë që në krahun e majtë do të rreshtohet Trashi.
Në mesfushë Gjasula dhe Bare e kanë vendin e sigurt, ndërsa këtë ndeshje Reja ka vendosur që të mos i besojë Bajramit, por në vendin e tij ka zgjedhur Endri Çekiçin. Në sulm Uzuni ka fituar vendin e titullarit pas paraqitjeve mjaft të mira, ndërkohë që rikthehet titullar edhe Sokol Cijkalleshi.