Gersi Troka merr medalje ari në Lojërat Speciale Olimpike
Shqipëria ka një tjetër kampion të artë në disiplinat e sportit.
Gersi Troka është sportisti i ri i cili ka rrëmbyer medaljen e arit në Lojërat Olimpike Speciale që po mbahen në Berlin prej datës 17 qershor. Gersi është me Sindromën Down dhe ndër sportistët që përfaqëson Shqipërinë në lojrat speciale.
Ai e ka nisur notin kur ishte 9 vjeç dhe sot ai është kampion. Skuadra Olimpike Speciale Shqiptare përfaqësohet me 10 sportistë në Lojërat e Berlinit, teksa përfaqësohej vetëm me dy sportisë në Lojërat paraardhëse.
Gersi Troka ka bërë një performancë të shkëlqyer në garën 200 metra stil i lirë në not, për rrjedhojë ka arritur që të marrë një medalje ari duke ngritur lart flamurin shqiptar. Sportisti shkëlqeu në çerekfinale e gjysmëfinale, duke lënë ndjeshëm pas rivalët e tij, teksa edhe në finale ia doli të vendosë kohën më të mirë (3:04.70), duke marrë medaljen e parë të Artë për Skuadrën Speciale shqiptare.
