KRONIKËSTAR CHANNEL
Gjendet pa shenja jete një 31-vjeçar, dyshohet se…
Një 31-vjeçar është gjetur pa shenja jete mëngjesin e sotëm pranë mbikalimit të Shkozetit. Sipas burimeve policore, trupi i pajetë u konstatua në anë të rrugës, ndërsa menjëherë u njoftuan shërbimet e urgjencës dhe ai u transportua drejt spitalit.
Nga informacionet paraprake mësohet se i riu ishte nga Shijaku dhe ishte nisur drejt spitalit të Durrësit pasi nuk ishte ndjerë mirë. Dyshohet se gjendja e tij shëndetësore është rënduar gjatë rrugës, çka e ka detyruar të ndalojë mjetin dhe të dalë prej tij.
Reklama në FieriWeb - “PIZZA ITALIA FIER”
Sipas të dhënave paraprake, dyshohet se shkaku i humbjes së jetës ka qenë një arrest kardiak, ndërsa hetimet vijojnë për sqarimin e plotë të rrethanave.
