AKTUALITET
Hoteli te mbikalimi i Rinasit merr flakë, zjarrfikëset në vendngjarje
Një hotel është përfshirë nga flakët në orët e para të mëngjesit të kësaj të diele në zonën e mbikalimit të Rinasit. Forcat zjarrfikëse ndodhen në vendngjarje dhe po punojnë për shuarjen e flakëve.
Referuar njoftimit të Policisë, bëhet me dije se zjarri ka rënë në pjesën e paneleve diellore të hotelit.
“Me datë 30.01.2022, rreth orëve të para të mëngjesit, te mbikalimi i Rinasit, ka rënë zjarr dhe janë djegur pjesërisht panelet diellore të një hoteli.
Në vendngjarje ndodhen forcat zjarrfikëse të cilat po punojnë për fikjen e zjarrit. Vijon puna nga grupi hetimor për zbardhjen e rrethanave të ngjarjes dhe përcaktimin e shkakut të rënies së zjarrit”, njofton Policia e Tiranës.